Business World · متتبع الحياة والعمل
شو بتاخد بمتتبع الحياة والعمل
المتتبع دفتر يومي: الشغل، البيت، العادات، والمهام. بتملى اليوم، والشهر والسنة بيتلخصوا لحاله.
ثلاث شاشات: اليوم للإدخال، الشهر للأنماط والمهام، والسنة لمقارنة الأشهر. المكتب في دير حنا، إسرائيل.
إدخال اليوم
كل يوم سجل واحد بتحفظه، وبتقدر تمسحه إذا بدك تبلّش من جديد. هيك ما بتضيع تفاصيل اليوم بين الملاحظات والذاكرة.
العمل
بتختار حالة اليوم، وكل خيار معه شرح قصير:
- يوم ضائع، تقدّم ضعيف، تقدّم بسيط، يوم عادي، يوم منتج، يوم قوي جدًا، يوم استثنائي.
- لمن عملت اليوم؟ أسماء العملاء أو الأعمال، وأكثر من اسم بفواصل.
- تضييع الوقت. نعم أو لا، وعلى شو ضاع الوقت.
- ملاحظات للعمل.
بهالقسم بتشوف إذا اليوم فعليًا حرّك الشغل، ومين أخذ وقتك، ووين ضاع الوقت. آخر الشهر بيظهر عدد أيام العمل المنتجة، وأيام بلا عمل، وأيام تضييع الوقت.
صفقات وربح
إذا أبرمت صفقة، بتضيف أكثر من صفقة بنفس اليوم: اسم العميل، قيمة الصفقة، والربح. لوحة الشهر بتجمع عدد الصفقات، إجمالي الإيرادات، وإجمالي الربح. هيك الربح اليومي ما بيضل مبعثر على الورق.
العلاقة
مقياس من 7: سيء جداً، سيء، متوتر، محايد، جيد، جيد جداً، ممتاز. كل درجة معها وصف، وفي خانة لفعالية أو شيء خارج عن المألوف مع ملاحظة. بيساعدك تشوف نمط العلاقة خلال الشهر، مو بس تذكّر آخر خلاف أو آخر يوم حلو.
الأطفال
بتضيف أسماء الأطفال مرة واحدة، والأسماء بتضل ظاهرة كل يوم. لكل طفل مقياس لحاله:
- كان يوماً صعباً جداً، كان صعباً، أحتاج توجيهاً كثيراً، كان عادياً، تعاوناً بشكل جيد، تعاوناً بشكل رائع، كان متعاوناً ومميزاً جداً.
- بتسجّل فعالية أو شيء خارج عن المألوف، مع ملاحظة.
الشهر بيفصل أيام كل طفل، فبتشوف مين كان يومه ثقيل ومين تعاون، من غير ما تختلط الأيام ببعض.
شعورك تجاه اليوم
7 خيارات: فخورة جدًا بنفسي، يوم رائع، يوم جيد، يوم عادي ومتوازن، يوم مختلط، يوم صعب، يوم سيئ جدًا. كل واحد معه جملة توضّح المقصود. آخر الشهر الدائرة بتبيّن كم يوم من كل شعور، وبتفتح الملاحظات المكتوبة لكل قسم.
العادات اليومية
بتعلّم العادة إذا انعملت اليوم، وفي عادات معها خانة تفاصيل. العادات الجاهزة:
- قراءة القرآن، قراءة الكتب، رياضة.
- التواصل مع الأهل، الإخوة، الأصدقاء، المجتمع، دار العم.
- البيت، مع تفاصيل شو عملت.
- التواصل مع زبائن سابقين، ومع مهتمين بخدمتك، ومع مين تواصلت.
- مساج للشعر، وعناية بالنفس (مثل ليزر أو بوتوكس) مع التفاصيل.
بتضيف عادة باسمك، بترتّبها فوق أو تحت، وبتحذفها. بالشهر العادات مرتبة من الأكثر تكرارًا للأقل، ومع كل واحدة كم يوم من الأيام اللي مرت. هيك العادة اللي وقفت بتبين قبل ما يخلص الشهر.
حكمة اليوم
سطر لتحفظي فكرة، اقتباس، أو جملة من هاليوم. بترجعي لها مع إدخال اليوم بدل ما تضيع بالشات.
مهام اليوم والمهام المخططة
- أعمال اليوم. مهمة بتعلّميها تم، أو بتخبّيها بقائمة مغلقة وترجّعيها لما تقرري تعمليها.
- مهام مخططة. بتختاري تاريخ الظهور، وكم تضل ظاهرة: 1 أو 3 أو 7 أو 14 أو 30 يوم. إذا ما تمّت، بترجع تظهر بأعمال اليوم لحد ما تخلص.
- ربط المهمة بقسم. لما تعلّميها تم، النص بينكتب لحاله في: لمن عملت اليوم، أو ملاحظات العمل، أو ملاحظات الأطفال، أو ملاحظات العلاقة، أو تفاصيل المهتمين بخدمتك، أو تفاصيل الزبائن السابقين.
- أعمال لهذا الشهر. بتنحفظ كمهام وبتظهر بالقائمة المخفية تحت أعمال اليوم.
المهمة ما بتضيع إذا أجّلتيها، ولما تخلصيها التسجيل اليومي بيمتلئ من غير ما تكتبي نفس الجملة مرتين.
لوحة الشهر
بتملى من أيام التبويب اليوم. فيها:
- كم يوم مسجّل من أيام الشهر اللي مرت.
- تقويم، وبتضغطي اليوم وترجعي لإدخاله.
- أنماط الشهر: عمل، علاقة، أطفال، وعادات، مع الأيام اللي ما انسجلت.
- دوائر للشعور، للعادات، ولكل طفل. الضغط على قسم بيفتح ملاحظاته.
- مع من عملت: العملاء مرتبين حسب الأكثر هالشهر.
- صفقات هذا الشهر مع الإجمالي.
- إنتاج الشهر: بتضيفي نقاط مثل طلبات أو تصنيع، والإجمالي هو عدد النقاط.
- استنتاجات ونصائح: كل استنتاج أو نصيحة بسطر، وبتعدّليها أو تحذفيها.
بدل ما تراجعي 30 إدخال، اللوحة بتجاوب: وين الشغل قوي، أي عادة وقفت، ومين العملاء، وشو الاستنتاج اللي بدك تحفظيه للشهر الجاي.
لوحة السنة
بتنقلي بين السنوات، وبتشوفي الأشهر اللي فيها إدخالات. الضغط على شهر بيفتح تفاصيله. هيك بتقارني شهر بشهر من غير ما تفتحي كل يوم.
الأهداف
بتحطي عنوان وعدد مستهدف، وبتقيسي واحد من هالأشياء: أيام عمل منتجة، عدد الصفقات، أيام عمل مع عملاء، أو أي عادة.
- أسبوعي. بيتكرر كل أسبوع من الشهر لحاله: 1–7، 8–14، 15–21، 22–28، والأيام الباقية لآخر الشهر. بتضيفيه مرة واحدة.
- شهري، كل 3 أشهر، أو سنوي.
- التقدم: تم، على المسار، لسا فيك، أو لسا ما بلشت.
- ذكّرني أكمّل. إذا الهدف متأخر عن وتيرته، بيوصل تنبيه على الجوال فيه العنوان والعدد الحالي مقابل الهدف.